xoves, 17 de decembro de 2020


 

PARTICIPA NA NOVA EDICIÓN DO PROGRAMA INTEGRADO DE EMPREGO DOS CONCELLOS DE AMES E BRIÓN 2020-2021

O novo programa Integrado de Emprego dos Concellos de Ames e Brión, financiado pola Consellería de Emprego e Igualdade con 213.599,74 € e cofinanciado polos concellos de Ames e Brión, está dirixido a 100 mulleres desempregadas, dos concellos de Ames e Brión.

O obxectivo desta nova edición é a mellora da empregabilidade e a cualificación para o emprego das participantes, nunha situación coma actual de especial dificultade e que afecta en maior medida a colectivos vulnerables, integrados fundamentalmente por mulleres.

O obxectivo de inserción fixado para esta nova edición é do 40% das mulleres participantes, o cal supón un reto, dadas as circunstancias do mercado laboral actual debido a situación producida pola crise sanitaria.

Para conseguir este obxectivo, durante o Programa, as participantes recibirán formación teórica especializada con prácticas en empresas, elixindo a que máis se adapte aos seus intereses de entre diferentes itinerarios formativos propostos, deseñados de acordo coas oportunidades laborais da nosa comarca: atención sociosanitaria, comercio e atención ao público, ocio e tempo libre, turismo, limpeza, hostalería, manexo de maquinaria

Impartirase, como formación homologada, o certificado de profesionalidade de “Atención sociosanitaria a persoas dependentes en institucións sociais” (SSCS0208).

As participantes, ademais, recibirán formación transversal en novas tecnoloxías e idiomas, técnicas de busca de emprego, marca persoal, comunicación, habilidades sociais e intelixencia emocional, emprendemento… e contarán co apoio de titorías persoais para o acompañamento na busca de emprego.

Ao longo do Programa as participantes tamén disporán dunha plataforma de teleformación cun amplo catálogo de cursos clasificados por familias profesionais e dos que poderán facer totalmente on line e coa flexiblidade que implica esta modalidade.


Requisitos de participación

Para poder participar as interesadas deben ter a súa residencia nos concellos de Ames ou Brión e estar inscritas como desempregadas na oficina de emprego.

Se estás interesada en participar e queres solicitar información do proceso de inscrición e do funcionamento do Programa, enche o seguinte formulario e nós poñémonos en contacto contigo:

https://forms.gle/25ft7EF9ab4T2ZPg8


Datos de contacto:

Concello de Ames: Centro de Formación e Emprego (Rúa Costaneira, 2 - Urb. Aldeanova) - teléfonos 608 459 678 e 663 711 876.

Concello de Brión: Servizo de Emprego. Casa da Cultura - Tlf. 981 50 99 08.

 

PIE Ames-Brión Exp. TR332A 2020-29 
















xoves, 23 de abril de 2020

FORMACIÓN ON LINE GRATUÍTA II

Dende que o pasado mes de marzo se decretara o estado de alarma, todos e todas pasamos máis tempo na casa, o que fai mudar moitas das nosas costumes e tamén, dispor dunha oportunidade para facer actividades que normalmente non podemos pola dinámica da vida diaria.
Para aproveitar este tempo de quedar na casa, pode ser un bo momento para realizar algunha formación que nos poda interesar, ben para complementar o noso perfil profesional, ben por intereses persoais. 

Dende a Concellería de Promoción Económica elaborouse un listado que inclúe unha serie de páxinas que ofrecen cursos de acceso libre e gratuitos. Hai cursos de carácter xeral, de perfil universitario, de competencias dixitais, para emprendedores, videotutoriais, etc.

Tamén se inclúe un apartado con páxinas que inclúen cursos para a procura activa de emprego. 


APRENDER GRATIS
Aprender Gratis é unha páxina web española onde podes acceder a máis de 1.300 cursos en liña gratuítos en varias materias. A maioría dos cursos publicados pertencen a universidades, empresas e outros recursos da Administración.

A plataforma emprega unha interface moi sinxela onde atopamos unha páxina con todos os cursos que están dispoñibles na web así como un menú onde clasifica os cursos polos campos aos que pertence.



COURSERA
Coursera é o sitio web de cursos en liña máis relevante de todos, unha páxina que debes coñecer se queres facer un curso gratuíto en liña. Coursera ofrece aprendizaxe 100% en liña das mellores universidades e empresas do mundo.


A través desta plataforma, que naceu en outubro de 2011 desenvolvida por académicos da Universidade de Stanford, podes obter formación en diferentes campos que van dende a arte ata a bioloxía, a ciencia, a química, a economía, a educación, a psicoloxía, a enxeñaría, a saúde, as humanidades, dereito, ... entre moitos outros.
Os cursos son gratuítos, non obstante, se desexas obter o certificado, deberás pagar as taxas correspondentes.


ACTIVATE
Activate é unha páxina web de cursos gratis on line de Google. A través desta páxina podes atopar formación gratuita en competencias dixitais. Ao rematar os cursos de Activate, recibes un certificado de superación.

                                
UNED

A UNED (Universidad Nacional de Educación a Distancia) ofrece cursos gratuitos que podes realizar dende calquera parte do mundo.
Estes cursos son de acceso libre e puedes comezalos e rematalos cando queiras, non teñen ningunha data establecida. Os cursos gratuitos da UNED non ofrecen ningún crédito ni ningún tipo de titulación.
                                    

UNIMOOC
UniMOOC é unha plataforma de cursos online gratuitos para emprendedores. Todos os cursos desta páxina web son gratis, on line e en español.
Entre os cursos de UniMOOC, podes atopar un Curso de Google sobre emprendemento totalmente gratis, e cun certificado co sello dalgunha institución.



EDX
EDX tamén é unha plataforma, lanzada en 2012 polas Universidades de Massachusetts e Harvard que ofrece cursos online gratis a nivel universitario. Pódense atopar os Moocs, cursos online masivos e abertos dun gran número de disciplinas.
                                

COREMSA
Coremsa Formación ofrece un catálogo de cursos on line gratuítos clasificados por familias profesionais, tanto para traballadores como para desempregados.



AULA 10
Aula 10 formación é unha empresa de formación on line a varios niveis (cursos acreditados, oposicións, cursos universitarios, etc.) que, dentro do seu catálogo, ofrece un apartado de cursos gratuitos de diversas temáticas.

                                                               
FEMXA
Cursos Femxa ofrece algúns cursos online gratuitos con prazas para persoas desempregadas. 


ROXANA FALASCO
Roxana Falasco é unha divulgadora do ámbito tecnolóxico e da formación on line que ofrece videocursos e tutoriais sobre diferentes temáticas principalmente relacionadas con ferramentas on line, marketing dixital, edición de video e moitas outras. Pódese acceder ás súas videopublicacións a través da súa canle de Youtube así como a súa Academia Videocursos on line.


LIDER SYSTEM
Lider System dispón dun catálogo de formación online de máis de 2000 cursos e masters distribuidos en dúas plataformas: Cursos de Especialización e Cursos Xerais.


ADECCO
ADECCO Formación ofrece arredor de 70 cursos durante 2 meses de xeito gratuíto, con inscrición ata o 22 de maio e prazo para a súa realización de 10 días


DKA
DKA ofrece máis de 250 cursos gratis online con certificado de participación de todos os sectores.


FOMENTO PROFESIONAL
O grupo Fomento Profesional está dedicado á formación e ao desenvolvemento e execución de produtos e servizos formativos, dirixidos a mellorar a situación profesional e laboral das persoas. Oferta formación en Administración / Economía, aeroportos, agrario, informática, turismo, sanitaria…


FUNDAE, FUNDACIÓN ESTATAL PARA A FORMACIÓN NO EMPREGO
Fundae, Fundación Estatal para a Formación no Emprego dispón de cursos gratuítos en competencias dixitais facilitados por grandes empresas tecnolóxicas.



PÁXINAS CON CURSOS PARA A PROCURA ACTIVA DE EMPREGO

Curso sobre as técnicas para a procura de emprego nun contexto dixital.

Curso gratuíto para facilitar a procura de emprego e o seu enfoque profesional e formativo, que tamén inclúe video resumen do contido.

Curso no que se revisan as principais fontes de procura de emprego, as ferramentas necesarias, a contorna laboral e que inclúe un apartado adicado ao autoemprego.

venres, 3 de abril de 2020

NOVAS MEDIDAS NO ÁMBITO SOCIAL APROBADAS O PASADO 31 DE MARZO POLO REAL DECRETO-LEI 11/2020


NOVAS MEDIDAS NO ÁMBITO SOCIAL APROBADAS O PASADO 31 DE MARZO POLO REAL DECRETO-LEI 11/2020

Medidas de apoio aos traballadores, consumidores, familias e colectivos vulnerables
Sección 1.ª Medidas dirixidas a familias e colectivos vulnerables

Moratoria de alugueres
O primeiro bloque de medidas ten como obxectivo apoiar ás persoas que non son capaces de pagar as súas rendas porque se atopan nunha situación vulnerable debido a COVID-19 e que non teñen alternativa de vivenda. En primeiro lugar, os desafiuzamentos quedan suspendidos durante seis meses desde a entrada en vigor do estado de alarma.

En segundo lugar, implántase a renovación automática dos contratos de aluguer que caducan nos tres meses seguintes á entrada en vigor desta norma. Esta prórroga será de seis meses e manteranse os termos e condicións do contrato vixente.

En terceiro lugar, establécese unha moratoria automática no pago da súa renda para aqueles inquilinos en situación de vulnerabilidade cuxo propietario sexa un gran propietario de vivendas, tanto públicas como privadas, incluído o Fondo de Vivenda Social das entidades financeiras. Enténdese como tal calquera persoa que posúe máis de dez propiedades.
A moratoria sobre o pago da renda prolongarase mentres dure o estado de alarma ou mentres continúe a situación de vulnerabilidade, cun máximo de catro meses. Unha vez superada esta situación, o arrendatario devolverá a cota ou cotas non pagadas nun período non superior a tres anos, sen que se aplique ningún tipo de penalización nin intereses.

En cuarto lugar, regúlase a moratoria para o caso no que o arrendador non sexa un gran propietario de inmobles, algo que sucede no 85% dos casos. Nestas circunstancias, o arrendatario, sempre que se atope nunha situación de vulnerabilidade, poderá solicitar un aprazamento no pagamento da súa renda. O arrendador terá sete días para aceptala, propoñer unha alternativa ou rexeitala.
No caso de que non exista acordo, o inquilino terá acceso a un programa de axudas de financiamento transitorio a custo cero coa garantía do Estado. O inquilino poderá solicitar un crédito finalista, pagado directamente ao arrendatario, por un importe de ata seis rendas mensuais, que se devolverá nun prazo máximo de dez anos. Este crédito non terá ningún interese, será concedido por entidades de crédito e contará co aval do Estado, a través do Instituto Oficial de Crédito (ICO), que asinará o correspondente acordo co Ministerio de Transportes, Mobilidade e Axenda Urbana.

Para as persoas que teñen problemas máis permanentes no pago do aluguer, tamén se establece un novo programa de axudas directas ao aluguer sobre vivenda habitual e que se poderán engadir ás mencionadas anteriormente.

A norma incorpora un programa específico para vítimas de violencia de xénero, persoas sen fogar e outras especialmente vulnerables, a fin de proporcionarlles unha solución habitacional inmediata.

Establécese unha axuda de ata 600 euros ao mes, que se pode elevar en casos xustificados ata 900 euros, sempre cun límite do 100% da renda do inmoble. E engádense outros 200 euros para pagar gastos de mantemento, comunidades e subministracións básicas, cun límite do 100% dos mesmos.

Exténdese a moratoria hipotecaria
En canto á vivenda, acláranse aspectos relacionados coa moratoria hipotecaria regulada no RDL8/2020. Así, o período de suspensión vai dun a tres meses; a acreditación de vulnerabilidade adáptase á situación derivada do estado de alarma, sendo suficiente nestas circunstancias cunha declaración responsable do beneficiario sobre a súa situación; e aclárase que as cotas suspendidas non se pagan ao finalizar a suspensión, senón que todos os pagamentos restantes quedan pospostos por idéntico período. Engádese tamén aos autónomos entre os grupos que poden beneficiarse desta moratoria.
Coa mesma filosofía que a moratoria no pago de rendas ou hipotecas, o Real decreto lei establece a posibilidade dunha moratoria sobre créditos e préstamos non hipotecarios que manteñan ás persoas en situacións vulnerables, incluídos os préstamos ao consumo.

Apoio en subministros básicos
Amplíase o grupo de destinatarios potenciais do bono social eléctrico, ao que poderán acollerse de forma excepcional as persoas que se viron afectadas por medidas de regulación de emprego das súas empresas ou, no caso de autónomos, ter cesado a súa actividade ou reducirse os seus ingresos en máis do 75%
Además, en un contexto en el que, por una mayor permanencia en el hogar derivada de las medidas de contención y por el desarrollo en el mismo de actividades profesionales que, normalmente, se realizan fuera de la vivienda habitual, se establecen medidas para garantizar la continuidad de los suministros energéticos y de agua en el hogar, prohibiéndose su suspensión por motivos distintos a la seguridad del suministro.
Ademais, nun contexto no que, debido a unha estadía máis longa no fogar derivado de medidas de contención e debido ao desenvolvemento no mesmo de actividades profesionais que normalmente se desenvolven fóra da residencia habitual, establécense medidas para garantir o continuidade do subministro de enerxía e auga no fogar, prohibindo a súa suspensión por razóns distintas da seguridade do subministro.

Podes consultar o texto íntegro do BOE: https://bit.ly/2UxI0jZ
Tamén tedes un resumo na páxina web do Concello de Ames: https://bit.ly/3bICm4c


mércores, 1 de abril de 2020







NOVAS MEDIDAS NO ÁMBITO LABORAL APROBADAS O PASADO 31 DE MARZO DE 2020 POLO REAL DECRETO-LEI 11/2020

  • SUBSIDIO DE DESEMPREGO EXCEPCIONAL POR FIN DE CONTRATO (art 33)

Serán beneficiarias do subsidio de desemprego excepcional por fin de contrato temporal as persoas traballadoras que se lles extinguiu un contrato de duración determinada de, polo menos, dous meses de duración, con posterioridade á entrada en vigor do Real Decreto, polo que se declara o estado de alarma para a xestión da situación de crise sanitaria ocasionada polo COVID-19, e non contasen coa cotización necesaria para acceder a outra prestación ou subsidio se carecesen de rendas.

Este subsidio será recoñecido ás persoas afectadas, pola extinción dun contrato de duración determinada, incluídos os contratos de interinidade, formativos e de substitución.
Será incompatible coa percepción de calquera renda mínima, renda de inclusión, salario social ou axudas análogas concedidas por calquera Administración Pública.

O subsidio excepcional consistirá nunha axuda mensual do 80 por cento do Indicador Público de Renda de Efectos Múltiples mensual vixente. (IPREM: 537,84 euros mensuais). 

A duración será dun mes, ampliable se así se determina por Real Decreto-lei.

  • SUBSIDIO EXTRAORDINARIO POR FALTA DE ACTIVIDAD PARA LAS PERSONAS INTEGRADAS EN EL SISTEMA ESPECIAL DE EMPLEADOS DE HOGAR DEL RÉGIMEN GENERAL DE LA SEGURIDAD SOCIAL.  (arts 30, 31 y 32)

Beneficarios/as: Terán dereito ao subsidio por falta de actividade as persoas que, estando de alta no Sistema Especial de Empregados do Fogar do Réxime Xeral da Seguridade Social antes a entrada en vigor do estado de alarma para a xestión da situación de crise sanitaria ocasionada polo COVID-19, atópense nalgunha das seguintes situacións:

- Deixasen de prestar servizos, total ou parcialmente, con carácter temporal, a fin de reducir o risco de contaxio, por causas alleas á súa vontade, nun ou varios domicilios e con motivo da crise sanitaria do COVID-19.
- Extinguiuse o seu contrato de traballo pola causa de despedimento ou pola desistencia do empregador ou empregadora, con motivo da crise sanitaria do COVID-19.
A acreditación do feito causante deberá efectuarse por medio dunha declaración responsable, asinada pola persoa empregadora ou persoas empregadoras, respecto das cales se produciu a diminución total ou parcial de servizos.
No suposto de extinción do contrato de traballo, este poderá acreditarse por medio de carta de despedimento, comunicación da desistencia da empregadora ou empregador, ou documentación acreditativa da baixa no Sistema Especial de Empregados do Fogar do Réxime Xeral da Seguridade Social.

A contía do subsidio será o resultado de aplicar unha porcentaxe do 70% á base reguladora correspondente á actividade que se deixou de desempeñar.
A base reguladora estará constituída pola base de cotización do mes anterior ao despedimento, desistencia ou diminución de xornada e non poderá ser superior ao Salario Mínimo Interprofesional.
Se fosen varios os traballos desempeñados neste sistema especial, calcularase a base reguladora correspondente a cada un dos distintos traballos que deixasen de realizarse e a contía total do subsidio será a suma das cantidades obtidas aplicando o 70% devandito anteriormente. No caso de perda parcial da actividade, en todos ou algún dos traballos desempeñados, aplicarase ás cantidades obtidas a porcentaxe de redución de xornada.
Este subsidio extraordinario por falta de actividade percibirase por períodos mensuais, desde a data do nacemento do dereito, que será a data de baixa na Seguridade Social ou a que figure na declaración do/a empregador/a en caso de redución de xornada.

Este subsidio será compatible coas percepcións derivadas das actividades por conta propia ou por conta allea que se estivesen desenvolvendo no momento do seu pagamento, sempre que a suma dos ingresos derivados do subsidio e o resto de actividades non sexa superior ao Salario Mínimo Interprofesional, e NON será compatible co subsidio por incapacidade temporal e co permiso retribuído recuperable, polo que se regula un permiso para as persoas traballadoras por conta allea que non presten servizos esenciais, co fin de reducir a mobilidade da poboación no contexto da loita contra o COVID-19.
Podes consultar o texto íntegro do BOE: https://bit.ly/2UxI0jZ

xoves, 26 de marzo de 2020









PRESTACIÓN EXTRAORDINARIA PARA TRABALLADORES/AS AUTÓNOMOS



Dentro do paquete de medidas extraordinarias que se aprobaron polo Goberno pola declaración do estado de alarma ante a pandemia polo COVID-19, están aquelas dirixidas a traballadores e traballadoras por conta propia.

Unha das principais medidas é destinada aos autónomos e autónomas coa aprobación dunha prestación extraordinaria co obxectivo de paliar os efectos negativos sobre os seus negocios da pandemia do COVID-19, cuxas principais claves nos expilcan desde o Ministerio de Inclusión, Seguridad Social e Migracións.

Quen pode solicitar esta prestación?
Calquera persoa traballadora por conta propia inscrito no réxime correspondente que se vexa afectado polo peche de negocios debido á declaración do estado de alarma ou cuxa facturación este mes caia un 75% respecto á media mensual do semestre anterior.

A persoa traballadora deberá atoparse ao corrente no pago das cotas á Seguridade Social. Con todo, se non se cumprise este requisito, o traballador autónomo disporá dun prazo de trinta días naturais para o seu ingreso.

Onde podo solicitar esta prestación?
Con carácter xeral, a xestión desta prestación corresponderá á mutua colaboradora coa Seguridade Social á que estea adscrito o traballador ou traballadora. No caso dos autónomos en alta no Réxime Especial dos Traballadores do Mar, a xestión corresponde ao Instituto Social da Mariña. Finalmente, no suposto (residual) dos autónomos que teñen concertada a protección por continxencias profesionais co INSS, a xestión corresponde ao  SEPE.

Como debo presentar a solicitude?
Actualmente, as mutuas e o ISM (e o SEPE) habilitaron formularios nas súas páxinas web para descargar a solicitude e achega a documentación pertinente para realizar a xestión de maneira totalmente telemática.

Que documentación debo presentar?
No caso de cesamento de actividade por forza maior, o traballador autónomo debe presentar unha declaración xurada na que deberá constar a data da produción da forza maior (declaración do estado de alarma, o 14 de marzo). Utilizarase o modelo normalizado de cada mutua.

Se se solicita debido á perda de ingresos, deberá achegar a información contable que o xustifique: copia do libro de rexistro de facturas emitidas e recibidas; do libro diario de ingresos e gastos; do libro rexistro de vendas e ingresos; ou do libro de compras e gastos. No caso dos autónomos que non están obrigados a levar os citados documentos de contabilidade, admitirase calquera medio de proba admitido en dereito.

Ademais, toda solicitude deberá ir acompañada dunha declaración xurada na que se faga constar que cumpren todos os requisitos esixidos para causar dereito a esta prestación.

Que prazo teño para presentar a solicitude?
Pódese presentar a solicitude desde o pasado 18 de marzo, coa entrada en vigor da medida, aínda que se recoñecerá o dereito desde o día 14 de marzo, data da declaración do estado de alarma.

O prazo para solicitala prestación é dun mes (ata o 14 de abril) desde a entrada en vigor, sen prexuízo de que poidan modificarse as medidas adoptadas en caso de prórroga do estado de alarma.

En que prazo se resolverá a solicitude?
O artigo 11.5 do Real Decreto 1541/2011 prevé que a mutua correspondente resolverá a solicitude no prazo de 30 días hábiles desde a súa recepción con toda a documentación preceptiva. Pero dada a gravidade da situación as mutuas están a facer un importante esforzo por acurtar drasticamente este prazo.

Debo seguir pagando as cotas?
Durante a percepción da prestación, a Tesourería Xeral da Seguridade Social  TGSS) non só non cobrará as cotizacións, senón que se contabilizará como período cotizado.

Se a prestación extraordinaria fose recoñecida pola mutua despois de que a  TGSS fixese o cargo das cotas, a  TGSS devolverá de oficio as cotas que ingresasen os traballadores autónomos cando se superpoñan coa prestación extraordinaria por cesamento de actividade, sen que teñan que solicitalo, e unha vez que se verifique o ingreso das cotas e a concesión da prestación. Aínda que tamén se poderá solicitar a devolución das mesmas a través do Sistema REDE.

Debo darme de baixa no RETA?
O traballador autónomo que suspenda a actividade non estará obrigado a tramitar a baixa durante o período de percepción da prestación extraordinaria por cesamento de actividade.

Se a causa do dereito á prestación é a redución da facturación, deberá permanecer de alta no correspondente réxime de Seguridade Social.

Podes consultar todas as túas dúbidas en: https://bit.ly/3aoehzI


Fonte: Ministerio de Inclusión, Seguridad Social y Migraciones